Kadiir Abdullaxiif Hajjii

Kadiir Abdullaxiif Hajjii: Barreessaa

Maqaa beebakamaa - Kadiir Abdullaxiif Hajjii

Bakka Dhalootaa - Arsii Sirkaa

Bara Dhalootaa - 1992 ALA

Hojiisaa - Barreessaa fi Gulaalaa

Kadiir Abdullaxiif Abbaa isaa sheeka amantii muslimaa Sh/Abdullaxiif H/Hajjii fi haadha isaa Safiyyaa Habuu irraa Godina Arsii Aanaa Sirkaa Ganda Qotee Bulaa Heellaa Xareetaatti, bara 1992 ALA dhalatee guddate.

Ijoollummaa Isaa

- Biyyee daakee

- Dhoqqee laaqee

- Boojjii fi cilee dibadhee, Shololoo, okkolloo, takii, aalawee, koottu hin duullaa tapha Afaan Oromoo taphachaa baadiyaa keessatti guddate. Barnoota osoo hin seeniin dura maatii isaatii Re’ee tiiysaa ture. Rakkoo Gaara Kuluu, Soolee, Tum’aa, Mandaayyoo, Mi’eessaa, Qilxuu fi Jalleenaa hin dagatu. Har'allee Qarree Ayyuu, Biiqqoo fi Obaa qarsaa niyaadata.

Barnoota Isaa

Akkuma umriin isaa barnoota ga’een akka barachuu qabu murteessee maatii isaatti hime. Kadiir ilma hangafaa waan tureef, carraa waggaa 5-10 tti mana barumsaa galuu hin arganne. Abbaan isaa akka inni barnoota amantaa baratu fedha waan qabaniif, waggaa muraasaf hiriyyoota isaa irraa hambisanii, barnoota bara muraasa isa hanqisan ( jala dabarsan). Waggaa 11ffaa isaatti jechuun bara 2003 ALA M/barumsaa gale. Kadiir nama M/Barnootaa Qophaa’ina fi University baratee miti. Kutaa 1- 7 Mana Barumsa Xareetaa Sadarkaa 1ffaa (1-8) barachaa ture. Tasa addaan kutee baqate. Umriin hindaangessu waantaheef ammas baratuufi qophiidha.

Barreessaa Ta’uusaa

Akka barreessu kan isa taasise yeroo baay’ee dubbisuu jaalata. Dubbii caalaa waan dubbisu barabaada. Abbaan isaa Manzuumaa (Nashiidaa) mana keessatti yoo barsiisan inni immoo waa barreessee mana barumsatti barsiisotaafi barattoota bashannansiisuu barbaada. Kadiir akka barruu guddaa harkaa qabu kan bare erga Facebook fayyadamuu jalqabeefi barreessitoota Oromoo faana dubbachuuf carraa argatee booda. Duraan dhiyootti Kitaaba barreessuu osoo hin taane, "CD WALALOO" maxxansuuf yaadaa ture. Kan Ummata Oromoo bal’aa kana biraan ga’uu qabdu, Kitaaba jedhee kan natti himaa turan hiriyyoota kiyya ta’anillee kan akka hojiitti hiiku isa taasise garuu kutannoo isaati.

Biyya ormaa jireenya baqaa keessa taa’ee Kadiir hojii gubaa akka ibiddaa, Araba waccu biratti qacaramee hojjachaa akka hojjachuu qabu murteesse. Kadiir Ija Hawaasaa isaa argeen waa barreessa. Ijoollee waan baay’ee hojjachuu danda’an kan biyya ormaa kana keessatti riphanii hafan akka bahanii hojjatan akeekaaf hojjachuu qaba jedhee barruulee adda addaa Saba isaaf laate.

Kan Inni Maxxanse

'Goonni Gosa Dhaala'

Kitaaba seenaa Atileetiksii Oromoo fi Atileetota Oromoo irratti hundaa’e, keessattuu waa’ee Atileet Fayyisaa Leellisaa irratti xiyyeeffate. Biyya Saudi Arabia Magaalaa Riyaaditti guyyaa 01/01/2017 maxxanfamee, Ebla 07/2017 bakka Ummanni Oromoo baay’een argamutti Eebbifame. Kitaabni Goonni Gosa Dhaala Kitaaba seenaa qabeessa. Kadiir Kitaaba lammataa isaa 'Risaa Bokkaa Mooye' biyyatti gaafa guyyaa 07/07/2011 Adaamaatti maxxansuun, gaafa guyyaa 17/08/2011 Magaalaa Xareetaa mana Barumsaa Sad 2ffaa Xareetaatti, bakka hawaasni naannawa sanii hedduminaan jirutti eebbiseera. Kitaabuma kana gaafa guyyaa 08,06,2019 Saudi Arabia Magaalaa Riyaad Kominiitii Itoophiyaatti bakka Ummanni Oromoo hedduu jirutti eebbiseera. Kitaaba isaa 3ffaa Wayyooma jedhu barreessuun Waldaa Dubartoota Aanolee'tif gumaacheera.

Kan Inni Gulaale

1. 'Qarriffaa Qeerransaa' Sadaasa 2018

Kitaaba kuusaa Walaloo, Barreessituu Warqii H/Bulloo (Leellistuu Sabaa) barreeffame.

2. 'Dungoo Dukkanni Gaadi'e' 2018

Asoosama Barreessaa Tololaa Faantayee barreeffame.

3. Copha Imimmaanii

Kuusaa Walaloo kan Barreessaa Lalisaa Baqqalaatin Barreeffame.

4. Yuuboo Waxabajjii 29, 2019

Asoosama gabaabaa barreessituu Zabiibaa Roobaa'tin kan barreeffame.

5. Yaadannoon Hindu'in Hagayya 06, 2019

Asoosama Dheeraa barreessituu Zabiibaa Roobaa'tin kan barreeffame.